Մշուշների շղարշի տակ
Աշնան խաշամն է խշխշում,
Քամու ձեռքերն անհամարձակ,
Ամպի փեշերն են քաշքշում:
Ամպը լեզուն կուլ է տվել,
Հնար չունի որոտալու:
Ցերեկն էլ է ցրտից կծկվել,
Չէ, երևի ձյուն է գալու:
Հարցեր և առաջադրանք
Դուրս գրել անծանոթ բառերը։
Մշուշ- մառախուղ, մեգ։
Շղարշ-թափանցիկ ցանցկեն նուրբ գործվածք:
Խաշամ-ծառերից թափված աշնան տերև։
Որոտալ-դղրդալ։
Կծկվել- կծիկ դառնալ, կծիկի ձև ընդունել:
1.Ինչպես ես հասկանում հետևյալ պատկերը.
Մշուշների շղարշի տակ…
Սպիտակ մառախուղը գնում է խշխշան տերևների մոտ։
Ամպը լեզուն կուլ է տվել…
Ամպը ցրտից չի կարող գոռալ։
Ցերեկն էլ է ցրտից կծկվել…
Ցերեկները կարճացել են, իսկ գիշերները երկարել։
2.Դո՛ւրս գրիր քեզ դուր եկած պատկերը:
Մշուիշների շղարշի տակ
Աշնան խաշամն է խշխշում,
3.Բացատրիր դեղինով նշված բառերը:
Մշուշ-մառախուղ
խաշամ -թափանցիկ
անհամարձակ-համարձակ չէ
որոտալ -դղրդալ
4․Կարդալիս՝
- ի՞նչ գույներ ես տեսնում,
Ես տեսնում եմ աշնանային վառ գույներ։ - ի՞նչ ձայներ ես լսում:
Լսում եմ տերևների խշխշոց և քամու սուլոց։
5․Նկարագրիր քո բակի աշունը։
Մեր բակի աշունը
Մեր բակում եկել է ոսկեզօծ աշուն։ Մեղմորեն ջերմացնում է աշնան արևը։ Մեր բակի ծառերը կարծես գույնզգուն զգեստներով հագած լինեն։ Ծառերից օրորվելով թափվում են տերևները։ Քիչ-քիչ մերկանում են ծառերը։ Թռչուններից միայն ճնճղուկն է երևում ծառերի վրա։ Բակերը դատարկվում են և բնությունը կարծես լռակյաց է դառնում։ Ես շատ եմ սիրում աշունը։