Այսօր մենք ճամփորդեցինք  Արևմտյան դպրոց դեպի ագարակ։ Երբ հասանք հանդիպեցինք բազմազան կենդանիների։ Սկզբում գնացինք ձիերի մոտ, իրենց կերակրեցինք գազար։Տեսանք նաև ճագաներին,շատ լավիկն էին։Հետո գնացինք մյուս կողմը որտեղ կային տարբեր կենդանիներ՝ շուն, հավ, աքլոր, սագ, բադիկներ, սիրամարգ, խոզ և ոչխար։Դրանից հետո գնացինք Ընկեր Շուշանի մոտ և կատարեցինք «սովորող-սովորեցնող»,մի փորձ։
Եվ դրանից հետո վերադարցանք դպրոց։Այսպես անցավ մեր ուրբաթ օրը։

Մեր ճեմարանական օրը սկսվեց հետաքրքիր փորձով։ Առաջին ժամին վերցրեցինք մի քանի տարա և դրանց մեջ դրեցինք սառույց։ Յուրաքանչյուր ամանի մեջ ավելացրեցինք տարբեր նյութեր․ խոշոր աղ, շաքարավազ , մանր աղ, սոդա, իսկ մեկ ամանի մեջ ընդհանրապես ոչինչ չավելացրեցինք։ Փորձի ընթացքում ուշադիր հետևեցինք փոփոխություններին և նկատեցինք, որ ամենաարագը հալչում էր այն սառույցը, որի մեջ ավելացված էր խոշոր աղը։ Այս փորձը մեզ օգնեց ավելի լավ հասկանալ նյութերի ազդեցությունը սառույցի վրա։
Նաև մենք իմացանք թե ինչու են ձմռանը ճանապարհին աղ լցնում ոչ թե ուրիշ նյութ։

Դրանից հետո գնացինք ընտրության ժամի։ Այդպես էլ հանգիստ ու հետաքրքիր անցավ մեր օրը՝ ավարտվելով նոր գիտելիքներով ու տպավորություններով։

Այսօր մեր օրը անցավ շատ լավ։ Առաջին ժամին գնացինք ընկեր Սարգսի մոտ՝ մաթեմատիկական խաղեր խաղալու։ Մենք խաղում էինք շախմատ։ Իսկ հետո մեքենայով գնացինք Հարավային դպրոց՝ գաթա պատրաստելու։

Սկզբում ամանի մեջ լցրինք ալյուրը, հետո փոս բացեցինք և դրա մեջ լցրինք ձուն։ Խառնեցինք և ստացանք խմոր։ Այնուհետև ավելացրինք 6 գդալ ալյուր, 6 գդալ շաքար, կարագ և վանիլին։ Ստացվեց խորիզը։ Խմորը գրտնակեցինք և դրա կեսը լցրինք մի ամանի մեջ, հետո խորիզը լցրինք դրա վրա և փակեցինք խմորի մյուս կեսով։ Այնուհետև եզրերը ձեռքով փակեցինք, իսկ պատառաքաղով վրան նախշեր արեցինք։

Բացի այդ, մենք նաև կարտոֆիլ էինք տաքացնում, որ ուտենք։ Մինչ գաթան կպատրաստվեր, մենք գնացինք դպրոցով մեկ շրջելու։ Երբ գաթան պատրաստ եղավ, նստեցինք մի սեղանի շուրջ և կերանք։ Ինձ շատ դուր եկավ գաթան։

Հետո նստեցինք մեքենան և վերադարձանք դպրոց։ Այս օրը ինձ համար շատ լավ անցավ։

Այսօր մեր օրը անցավ հետաքրքիր։ Ընկեր Գայանեի հետ քննարկեցինք և ուսումնասիրեցինք մի շատ հետաքրքիր ֆիզիկական փորձ թե ինչպես են աղը և սոդան ազդում սառույցի հալման արագության վրա։ Լաբարատորիայում փորձ չենք իրականացրել, միայն քննարկել ենք ընթացքը։ Այնուհետև կատարեցինք Color party: Color party-ի ժամանակ յուրաքանչյուրը քաշել էր թուղթ նշված գույնով, և այդ գույնի շրջանակում պետք է հագներ հագուստ ու բերեր տարբեր քաղցրավենիքներ։ Ինձ ընկել էր վարդագույնը և ես բերել էի այդ գույնի շրջանակում տարբեր քաղցրավենիքներ։ Նաև այդ օրը մենք ունեինք ընտրություն։ Այդ օրը ընտրության գործունեության չենք գնացել, քանի որ ուսուցչուհին չէր եկել։ Դրա փոխարեն ընկեր Էմմայի և ընկեր Գայանեի հետ զրուցում և նկարում էինք։ Մեր օրը անցավ շատ գույզգույն և հետաքրքիր։

Այսօր ճամբարում շատ հետաքրքիր օր ունեցանք։ Սկզբում թղթիկների վրա գույներ գրեցինք և հետո դրանք քաշեցինք։ Պայմանավորվեցինք, որ հաջորդ օրը բոլորս պետք է հագնվենք հենց այդ գույներով և քաղցրավենիքներ բերենք։ Բոլորը շատ ուրախ էին և անհամբեր սպասում էին հաջորդ օրվան։

Այնուհետև մենք գնացինք Լեռնանիստ և սահնակ քշեցինք։ Դա շատ զվարճալի էր, բոլորս շատ ծիծաղեցինք և հաճույք ստացանք։ Օրը անցավ շատ արագ ու ուրախ, և մեզ համար դարձավ անմոռանալի։

Այսօր մեր օրը սկսվեց շատ հետաքրքիր մի փորձով։ Առավոտյան կատարեցինք օքսիդացման փորձը։ Ապակե բաժակի մեջ լցրեցինք ջուր, ավելացրեցինք մի փոքր աղ և լուծույթի մեջ դրեցինք երկաթե մեխ։ Մեխը թողեցինք մի քանի օրով, որ ժամանակի ընթացքում տեսնենք, թե ինչպես է այն փոխվում և առաջանում օքսիդացման երևույթը։
Փորձից հետո գնացինք երգի դասին, որտեղ լսեցինք տարբեր հայտնի երգեր։
Դասից վերադառնալուց հետո կատարեցինք ևս մեկ հետաքրքիր քիմիական փորձ՝ նստվածքի առաջացում։ Սկզբում պատրաստեցինք պղնձի քլորիդի և կալիումի հիդրօքսիդի լուծույթներ։ Փորձանոթի մեջ լցրինք 3 մլ պղնձի քլորիդ և ավելացրինք 3 կաթիլ կալիումի հիդրօքսիդ։ Արդյունքում փորձանոթի մեջ առաջացավ կապտավուն նստվածք, որը շատ հետաքրքիր տեսք ուներ։
Ազատ ժամին հավաքվեցինք ընկերներով և խաղացինք լրտես ու ալիաս ։
Օրվա վերջում քայլելով գնացինք քոլեջ Տիկին Շողերի մոտ։ Այնտեղ տեսանք տարբեր կենդանիներ, ծանոթացանք բույսերին և միասին գեղեցիկ բույսեր տնկեցինք։ Այսօրվա օրն անցավ անմոռանալի։

Այսօր մենք մեր ճամբարային օրը սկսեցինք քիմիական փորձերով: Օրվա ընթացքում մենք կատարեցինք երկու փորձ։ Առաջին փորձի ժամանակ պատրաստեցինք նյուտոնյան հեղուկ, որի ընթացքում ուսումնասիրեցինք, թե ինչպես է այն փոխում իր վիճակը տարբեր պայմաններում։ Փորձը շատ հետաքրքիր էր և մեզ օգնեց ավելի լավ հասկանալ նյութերի հատկությունները։

Երկրորդ փորձի ժամանակ մաքրեցինք սրճի լուծույթը հատուկ գործիքի օգնությամբ։ Առաջին անգամից մեզ մոտ այդ փորձը չստացվեց, իսկ երկրորդ անգամ արդեն երևաց արդյունք։

Նաև մենք գնացինք ընտրության, իսկ ընտրությունից հետո մենք կրկին շարունակեցինք ուսումնասիրել նյուտոնյան հեղուկը ։
Եվ այսպես էլ վերջացավ մեր օրը: